Canllawiau Casgliadau Technegau Gorau sydd ar Gael (BAT) y DU o dan y Gyfarwyddeb Allyriadau Diwydiannol
Casgliadau'r DU ar y Technegau Gorau sydd ar Gael
Mae'r canllawiau hyn yn darparu gwybodaeth am sut rydym yn dehongli ac yn cymhwyso Casgliadau'r Technegau Gorau sydd ar Gael (BAT) o dan y Gyfarwyddeb Allyriadau Diwydiannol (IED).
Maent yn eich cefnogi chi fel y gweithredwr drwy esbonio sut rydym yn ystyried Casgliadau'r BAT yn ystod ceisiadau am drwyddedau ac adolygiadau trwyddedau. Cyfeirir at y canllawiau hyn yn gyffredin fel 'Canllawiau Trawsbynciol'.
Yr hyn y byddwch yn ei ddarganfod yn y canllawiau
Deall BAT a'r fframwaith rheoleiddio
Mae’n egluro rôl y Gyfarwyddeb Allyriadau Diwydiannol (IED), Casgliadau BAT (BATc), a sut maen nhw'n cael eu defnyddio i bennu amodau trwyddedau a gyrru adolygiadau trwyddedau yn eu blaen.
Adolygiadau trwyddedau a’u gweithredu
Mae’n cwmpasu gofynion adolygu BAT, amserlenni adolygu, pennu'r prif weithgaredd mewn gweithfa, a rheoli newidiadau gweithredol a allai effeithio ar ofynion trwydded.
Cymhwyso BAT ym maes trwyddedu
Mae’n rhoi canllawiau ar ddehongli technegau BAT, casgliadau BAT naratif, amcanion amgylcheddol ac amodau trwyddedau.
Terfynau allyriadau a pherfformiad amgylcheddol
Mae’n egluro Terfynau Allyriadau sy'n Gysylltiedig â BAT (BAT-AEL), Terfynau Perfformiad Allyriadau sy'n Gysylltiedig â BAT (BAT-AEPL), gwerthoedd terfynau allyriadau (ELVs), cyfnodau cyfrifo’r cyfartaledd, datganiadau cymhwysedd ac eithriadau.
Monitro a chydymffurfiaeth
Mae’n cwmpasu gofynion monitro, cyfyngau hyder, monitro lefel isel, ac asesu cydymffurfiaeth ag amodau trwyddedau sy'n gysylltiedig â BAT.
Allyriadau dŵr
Mae’n darparu canllawiau ar ollyngiadau uniongyrchol ac anuniongyrchol i ddŵr ac ar ddiogelu dŵr daear.
Ymeithriadau o Ystod BAT AEL
Mae’n egluro sut mae'r IED yn caniatáu ymeithriadau o BAT-AELs lle mae costau cydymffurfio yn anghymesur â manteision amgylcheddol.
Rheoli safle a diogelu'r amgylchedd
Mae’n cwmpasu adroddiadau sylfaenol, systemau rheoli amgylcheddol (EMS), a mesurau i amddiffyn pridd, dŵr daear a'r amgylchedd ehangach.
Datblygiadau yn y dyfodol a thechnegau sy'n dod i'r amlwg
Mae’n egluro sut y gellir ystyried technolegau sy'n dod i'r amlwg a'r amgylchiadau lle gellir caniatáu ymeithriadau dros dro i dreialu technegau arloesol.
Dod o hyd i ragor o ganllawiau ar osod Trwyddedau Amgylcheddol